කොළඹ හුණුපිටිය ගංගාරාම විහාරස්ථානය වෙත වැඩම කරනු ලැබූ ශ්රී සර්වඥ ධාතූන් වහන්සේ වැඳපුදා ගැනීමට පැමිණෙන සැදැහැවතුන් සඳහා විශේෂ දුම්රිය වාර කිහිපයක් ධාවනය කරවීමට දුම්රිය දෙපාර්තමේන්තුව පියවර ගෙන ඇත.
මේ අතර ශ්රී සර්වඥ ධාතූන් වහන්සේ වහන්සේ වැඳපුදා ගැනීමට පැමිණෙන සැදැහැවතුන් සඳහා විශේෂ බස් රථ සේවාවක් ක්රියාත්මක කරන බව පොලිස් මාධ්ය කොට්ඨාසය සඳහන් කරයි.
මෙහිදී මහජනතාවට ගංගාරාම විහාරස්ථානයට පැමිණීම සඳහා පහත ස්ථානවල සිට විශේෂ බස් රථ සේවාවක් සපයා ඇත.
*පැරණි එම්.ඕ.ඩී. භූමියේ රථගාල (M.O.D. PARK)
*ලේක් හවුස් වටරවුම අසල රථගාල
*කොම්පඤ්ඤවීදිය දුම්රිය ස්ථානයේ සිට පැමිණෙන මහජනතාවට පා ගමනින් ලේක් හවුස් වටරවුම අසල රථගාලට පැමිණිය හැක.
*කොටුව දුම්රිය ස්ථානයේ සිට පැමිණෙන මහජනතාවට පිටකොටුවට නොගොස් ඩී.ආර්. විජේවර්ධන මාවත ඔස්සේ පා ගමනින් ලේක් හවුස් වටරවුම අසල රථගාලට පැමිණිය හැක.
මෙම බස් රථ සේවාව ලංගම සහ පුද්ගලික බස් රථ මඟින් පැය 24 පුරාම සහනදායි මුදලකට සපයන බව පොලිස් මාධ්ය කොට්ඨාසය සඳහන් කරයි.