ඉන්දීය හමුදාපති ජෙනරාල් උපේන්ද්ර ද්විවේදි අද (07) දින දෙදින සංචාරයක් සඳහා ශ්රී ලංකාවට පැමිණීමට නියමිතය.
මෙරටට පැමිණීමෙන් අනතුරුව ඉන්දීය හමුදාපතිවරයා ශ්රී ලංකා යුද හමුදාපති, ආරක්ෂක නියෝජ්ය අමාත්ය, ආරක්ෂක ලේකම් ඇතුළු ජ්යෙෂ්ඨ හමුදා සහ සිවිල් නායකයින් රැසක් හමුවීමට නියමිතය.
එහිදී පුහුණු සහයෝගීතාව, කලාපීය ආරක්ෂාව ඇතුළු අන්යෝන්ය වශයෙන් වැදගත් කරුණු පිළිබඳව පුළුල් ලෙස සාකච්ඡා පැවැත්වීමට නියමිතය.
සංචාරය අතරතුරදී ඉන්දීය හමුදාපතිවරයා ආරක්ෂක සේවා අණ සහ මාණ්ඩලික විද්යාලයේ (DSCSC) නිලධාරීන් හමුවීමටත්, බුත්තල හමුදා යුද විද්යාලයේ නිලධාරීන් සහ පුහුණුවන්නන් හමුවීමටද නියමිතව ඇත.