දුරකථන ඇමතුම් ලබාදෙමින් සහ සමාජ මාධ්ය ජාල භාවිතා කරමින් වංචනික ලෙස ජාවාරම්කරුවන්ගේ ගිණුම් වෙත මුදල් බැර කරවා ගැනීම් සම්බන්ධයෙන් දිවයිනේ විවිධ පොලිස් ස්ථාන වෙත පැමිණිලි ලැබී ඇති බව පොලීසිය සඳහන් කරයි.
තවද රැකියා අවස්ථා ලබාදෙන බවට, ත්යාග දිනුම් ඇදී ඇති බවට, අසත්ය චෝදනා යොමු කර නීතිය ක්රියාත්මක නොකර සිටීමට බවටද පවසා විවිධ ගිණුම් වෙත වංවනික ලෙස මුදල් බැර කර ගැනීම් සිදුකරන බවට පැමිණිලි ලැබී ඇති බව පොලීසිය සඳහන් කරයි.
විවිධ උපක්රම භාවිතා කරමින් පුද්ගලයින් සතු ගිණුම් අංක, මුරපද (OTP), හා QR කේතක්ත ආදී රහස්ය තොරතුරු ලබාගැනීම මගින් හා අන්තර්ජාල දිගු හා ස්කෑන් කේත ඔස්සේද මෙම වංචාවන් සිදු කරන බවට නිරීක්ෂණය වී ඇති බවද පොලීසිය සඳහන් කරයි.
බැංකු සේවකයින් ලෙස පෙනී සිටිමින් ගිණුම් හිමියන් වෙත දුරකථන ඇමතුම් ලබාදී බැංකු ගිණුම් පිළිබඳව තොරතුරු ලබා ගෙන එම ගිණුම් වෙත මත්ද්රව්ය ජාවාරම්කරුවන් විසින් මුදල් තැන්පත් කර ඇති බවට පවසා ගිණුම් හිමියන් බිය ගන්වා ඇත.
එම වංචාකරුවන් විසින් ලබාදෙන විවිධ ගිණුම් වෙත මුදල් තැන්පත් කර ගැනීමේ ජාවාරම් පිළිබඳ පසුගිය දිනවල මිරිහාන විශේෂ අපරාධ විමර්ශන අංශය වෙතත්, පොලිස් නිලධාරින් ලෙස පවසා දුරකථන ඇමතුම් ලබාදී ගිණුම් විස්තර හා මුදල් ලබා ගැනීමට උත්සාහ කිරීම සම්බන්ධව පාදුක්ක පොලිස් ස්ථානය වෙත පැමිණිලි වාර්තා වී ඇත.
එනිසා මෙවැනි වංචාවනික ක්රියා වලට හසු නොවන ලෙසට පොලීසිය විසින් මීට පෙර අවස්ථාවලදී මහජනතා දැනුවත් කර ඇති අතර මෙවැනි අවස්ථා වලදී පහත ආරක්ෂිත ක්රියාමාර්ග අනුගමනය කරන ලෙසට පොලීසිය ජනතාවට දැනුම් දෙයි.
1.Verified badges / official pages පරීක්ෂා කිරීම.
2.දෙවනි පර්ශවයට Bank details, NIC Number, login details, OTP, Password, PIN, Photos ලබා නොදීම.
3.සැකසහිත links පරිශීලනය නොකිරීම.
4.විශ්වසනීය / Verified ගිණුම් පමණක් භාවිතා කිරීම.
5.මුදල් තැන්පත් කිරීමේදී අනන්යතාවය සනාථ කර ගැනීම.
6.වංචාවන් පිළිබඳ අපරාධ පරීක්ෂණ දෙපාර්තමේන්තුවේ Cyber Crime Unit වෙත වහාම පැමිණිලි කිරීම.