අම්බුළුවාව කන්දේ සියලු ඉදිකිරීම් නතර කිරීමට අවශ්ය කටයුතු කරන ලෙස පරිසර අමාත්යාංශ විසින් මධ්යම පරිසර අධිකාරිය වෙත දැනුම්දීමක් සිදුකර ඇත.
විශේෂඥයින් මඟින් විධිමත් වාර්තාවක් ලබාගැනීමෙන් පසු අවදානම් තත්ත්වය පිළිබඳ තීරණයක් ගන්නා තුරු අම්බුළුවාව කන්දේ සියලු ඉදිකිරීම් නතර කිරීමට තීරණය කර ඇත.
අම්බුළුවාව පාරිසරික කලාපයේ පාලනයට අදාළව මතුවී ඇති ගැටලුකාරී තත්ත්වය සම්බන්ධයෙන් විමර්ශන කිරීම සඳහා පරිසර අමාත්යාංශය නියෝජනය කරමින් විශේෂඥ කමිටුවක් පත්කිරීමට යෝජනා වී ඇත.
පරිසර අමාත්යාංශයේ උපදෙස් පරිදි මධ්යම පරිසර අධිකාරියේ නිලධාරීන්, වාර්තාකරණයේ යෙදුණු මාධ්යවේදීන්, සමාජ ක්රියාකරුවන් ඒකාබද්ධව අම්බුළුවාව පාරිසරික කලාපය පිළිබඳ නිරීක්ෂණය කිරීම සඳහා අදාළ ප්රදේශයේ ක්ෂේත්ර චාරිකාවක් සිදුකිරීමට ඉදිරියේදී කටයුතු සිදුකරනු ලබන බවද සඳහන් කරයි.