මෙරට දරුවන් සඳහා එකම ප්රමිතියකින් යුතු මුල් ළමාවිය සංවර්ධන වැඩපිළිවෙලක් ක්රියාත්මක කිරීමට අවශ්ය පියවර ගන්නා බව කාන්තා සහ ළමා කටයුතු අමාත්ය සරෝජා සාවිත්රි පෝල්රාජ් සඳහන් කළාය.
ක්ලීන් ශ්රී ලංකා වැඩසටහනේ මුල් ළමාවිය සංවර්ධනය පිළිබඳ ජාතික වැඩසටහන යටතේ සෞඛ්ය ප්රවර්ධන කාර්යාංශයේ මූලිකත්වයෙන් කාන්තා සහ ළමා කටයුතු අමාත්යාංශය, සෞඛ්ය සහ ජනමාධ්ය අමාත්යාංශය, අධ්යාපන උසස් අධ්යාපන සහ වෘත්තීය අධ්යාපන අමාත්යාංශය, රාජ්ය පරිපාලන, පළාත් සභා සහ පළාත් පාලන අමාත්යාංශය ඇතුළු අමාත්යාංශ 12 ක එකාබද්ධව මෙම වැඩසටහන ක්රියාත්මක වේ.
මුල් ළමාවියේ සිටින දරුවන්ගේ සමාජ සහ චර්යාත්මක වෙනසක් උදෙසා ළමා සෞඛ්ය ප්රවර්ධනය සඳහා වන සන්නිවේදන වැඩසටහ පිළිබඳ දැනුවත් කිරීම උදෙසා රජයේ ප්රවෘත්ති දෙපාර්තමේන්තුවේ (07) පැවති මාධ්ය සාකච්ඡාවක් අමතමින් අමාත්යවරිය මේ බව සඳහන් කළාය.
අග්රාමාත්ය ආචාර්ය හරිනි අමරසූරියගේ ප්රධානත්වයෙන් ජනවාරි (10) වන දින අරලියගහ මන්දිරයේදී මෙම වැඩසටහන එළිදැක්වීමට සැළසුම් කර ඇත.