අද (06) දින මධ්යම රාත්රියේ සිට අධ්යයන පොදු සහතික පත්ර උසස් පෙළ විභාගයේ නොපැවැත්වූ විෂයයන් සඳහා උපකාරක පන්ති පැවැත්වීම තහනම් වන බව විභාග දෙපාර්තමේන්තුව සඳහන් කරයි.
එම විභාග අපේක්ෂකයින් සඳහා උපකාරක පන්ති පැවැත්වීම, විෂයානුබද්ධ දේශන, සම්මන්ත්රණ හා වැඩමුළු පැවැත්වීම, අනුමාන ප්රශ්න ඇතුළත් ප්රශ්න පත්ර මුද්රණය හා බෙදාහැරීම විභාග ප්රශ්නපත්රවලට සමාන ප්රශ්න ලබාදෙන බවට පෝස්ටර්, බැනර් හෝ අත් පත්රිකා විද්යුත් හෝ මුද්රිත මාධ්ය මගින් ප්රසිද්ධ කිරීම මෙලෙස තහනම් වේ.
කෙසේ වෙතත් යම් අයෙකු හෝ ආයතනයක් මෙම නියෝග නොසලකා කටයුතු කරන්නේ නම් ඔවුන් විභාග පනත යටතේ වරදකරුවකු වන බව විභාග දෙපාර්තමේන්තුව සඳහන් කරයි.
මේ අතර උසස් පෙළ විභාගයේ නොපැවැත්වූ විෂයයන් ජනවාරි (12) දින සිට (20) වන දින දක්වා විභාග මධ්යස්ථාන 2362කදී පැවැත්වීමට කටයුතු සංවිධානය කර ඇති බව ශ්රී ලංකා විභාග දෙපාර්තමේන්තුව සඳහන් කරයි.