“මම නිවසේ ස්වයං නිරෝධායනය වෙමින් සිටිනවා”

 “මම නිවසේ ස්වයං නිරෝධායනය වෙමින් සිටිනවා”

තමා මේ වනවිට සිය නිවසේ ස්වයං නිරෝධායනය වෙමින් සිටින බව රජයේ වෛද්‍ය නිලධාරීන්ගේ සංගමයේ සභාපති, විශේෂඥ වෛද්‍ය අනුරුද්ධ පාදෙණිය මහතා පවසයි.

ඔහුගේ නිවසේ පසුගියදා පැවති ප්‍රිය සම්භාෂණයකට සහභාගී වු වෛද්‍යවරයෙකු කොවිඩ් -19 වෛරස ආසාදිතයෙකු ලෙස තහවුරුවීමත් සමග පාදෙණිය මහතා එම ආසාදිතයාගේ පළමු පෙළ ආශ්‍රිතයෙකු ලෙස හඳුනාගැණුනි.

ඒ අනුව අදාළ නිරෝධායන කටයුතු සඳහා ඊයේ (13) රාත්‍රීයේ සහ අද (14) පෙරවරුවේ මහජන සෞඛ්‍ය පරීක්ෂක නිලධාරියා විශේෂඥ වෛද්‍ය අනුරුද්ධ පාදෙණිය මහතාගේ නිවසට ගොස් තිබුණත් එහි කිසිවෙකු රැඳී සිට නොමැති බව වාර්තා විය.

“PHI මහත්තයා එන වෙලාවේ මම කොළඹින් පිට තමයි හිටියේ.

අපේ ගෙදර වැඩකරන කෙනා මාස 6කින්වත් ගෙදර ගිහින් තිබුණේ නෑ.

එයාව බස් රථයකින් ගෙදර යවපුවාම රෝගය පැතිරීමට ඉඩකඩ තිබෙන නිසා මම මගේ වාහනයෙන් රත්නපුරට ගිහින් දාලා ආවා.

ඒ අතරතුර තමයි මේ කියන PHI මහත්තයා ඇවිල්ලා තියෙන්නේ.

දැන් මම ගෙදර ඇවිල්ලා ඉන්නේ.

මම ගියේ මගෙ වාහනයෙන්මයි.

මග රැඳීසිටීමක් සිදුකරලා නෑ.

හෙට උදේ මගේ PCR පරීක්ෂණයක් කරනවා කිව්වා.

එතෙක් මම නිවසේ ස්වයං නිරෝධායනය වෙලා ඉන්නවා,”

විශේෂඥ වෛද්‍ය අනුරුද්ධ පාදෙණිය මහතා

සබැඳි පුවත : පාදෙණියගේ පාටියේ කොරෝනා රෝගීයෙක් – පාදෙණිය අතුරුදහන්

1 Comment

Leave a Reply

Your email address will not be published. Required fields are marked *