You are here
Home > HIGHLIGHTS > සියලුම පාර්ලිමේන්තු මන්ත්‍රීවරුන්ට හෙට(11) සිට සිංහල, දෙමළ සහ ඉංග්‍රීසි භාෂා පංති !

සියලුම පාර්ලිමේන්තු මන්ත්‍රීවරුන්ට හෙට(11) සිට සිංහල, දෙමළ සහ ඉංග්‍රීසි භාෂා පංති !


සියලුම පාර්ලිමේන්තු මන්ත්‍රීවරුන්ට සිංහල, දෙමළ සහ ඉංග්‍රීසි භාෂා පංති පැවැත්වීම හෙට (11) සිට ආරම්භ කරන බව ජාතික සහජීවනය, සංවාද සහ රාජ්‍ය භාෂා ඇමැති මනෝ ගනේෂන් මහතා ඊයේ (09) පැවැසීය.

රාජ්‍ය භාෂා කොමිෂන් සභාව සහ ජාතික භාෂා අධ්‍යාපන හා පුහුණු ආයතනය හරහා මෙලෙස මන්ත්‍රීවරුන්ට භාෂා පුහුණුව ලබාදීමට තීරණය කළ බවද ඇමැතිවරයා සඳහන් කළේය. මේ රටේ සිංහල සහ දමිළ යන භාෂා දෙකම රාජ්‍ය භාෂාවන් බවත් ඉංග්‍රීසි යනු සුද්දන්ගේ පමණක්‌ නොව අපගේත් භාෂාවක්‌ බවත් අමාත්‍යවරයා සඳහන් කර සිටියේය.

මැති ඇමැතිවරුන් රට පුරා ගොස්‌ භාෂාව ඉගෙන ගන්නා ලෙස ජනතාවට පැවසුවත් ජනතාවට එසේ කීමට පෙර ඔවුන් භාෂා තුනම දැනගෙන සිටිය යුතු බවඅමාත්‍යවරයා අවධාරණය කර සිටියේය.

“ඒ නිසා මගේ සහෝදර ඇමැතිවරුන්ට කියනවා හෙට (11) සිට මගේ අමාත්‍යාංශය මෙහෙයවන භාෂා පංති වෙනුවෙන් පාර්ලිමේන්තු සංකීර්ණයේදී එක්‌වන ලෙස. එමෙන්ම පාර්ලිමේන්තු සභාවේ හැසිරෙන විදිහට මේ පංතියේ හැසිරෙන්න එපා කියලත් කියන්න කැමැතියි”  යනුවෙන් වැඩිදුරටත් සඳහන් කර සිටියේය.


Comments

comments

Loading...

Leave a Reply

Top